بما ان PHP كلغة برمجة هي اللغة السائدة في السوق وأغلب startups عادة بما لها من قدرة على تنفيذ مشروع بسرعة واقلها وقت في التعلم واكثرها انتشار وسهولة وجود مبرمجين في السوق بيكتبوا بيها

في الثريد دا هقول وجهة نظري عن ازاي تذاكر PHP من الكتب ؟وممكن نذكر حاجات تانية في السكة.

ازاي تذاكر PHP من الكتب وتبعد عن الكورسات السريعة - انا بفترض انك اتعملت من الكورسات المنتشرة بوفرة وحابب تفهم انت بتعمل ايه؟وازاي بيتم في مرحلة ما قبل مبرمجين الفريم ورك واللي بيقدمها عادة ناس مش بتوع PHP فالمحصلة النهائية ديفلوبرز ميعرفوش لغة البرمجة اللي مكتوب بيها الفريم ورك

اول كتاب هو PHP From Novice To professional

الكتاب تبع دار نشر apress فهو متاح غالبا في مصرنا الجميلة ودي فوايد انك تكون مسافرتش وشايف اصحابك بيشتروا الكتب وانت لا :D :D #اتوكس

الكتاب هيعرفك أغلب الاساسيات والتعامل مع الداتا بيز وازاي PHP بتشتغل من البداية وهكذا وشوية OOP على خفيف وبيشرح ال built in function لكل حاجة - في منه 2 version - دور على النسخة الاحدث

في بعده كتاب لنفس دار النشر هي هي

PHP objects and patterns

الكتاب تقيل شوية ولغته اقل نسبيا هتبدأ تتعرف على OOP وهتبدأ تشوف المفاهيم دي بتطبق ازاي في PHP

الجزء التاني من الكتاب عن ال design patterns ودي مش هيبقى اول مرة تقرأ فيها ال design patterns

في المجمل الكتاب معقول جدا