?تعال أقولك قصتي ..

?يحق لك تعرف من هذا اللي تابعته! أو من ذا اللي راح تتابعه❗️

#ثريد شخصي للي يحس أنه محطم أو مبعثر أو اللي يبي يحقق شي ولا عرف ..

?تعال أقولك من أنا قبل الوصف اللي في البايو .. قبل تويتر .. قبل التسويق .. قبل سنوات طويلة ..

?قبل كل شي ..

• تعال نبدا ..

- يا هلا ويا مرحبا بك?

انا - الله يسلمك - اسمي زي ماهو مكتوب خطاف الخطاف، وهذا الاسم حقيقي ومهوب كنية❗️ واحب اسمي جدا جدا وافتخر فيه، واتمنى انه يكون لي نصيب من اسمي واخطفك لكل ما هو جميل❤️

من مواليد 1980 ..

يعني لحقت على فترة التسعينات الجميلة ..

المهم - مالك في الطويلة

بدت مشكلتي بصراحة في المرحلة الثانوية❗️

كان الاسلوب التربوي المعتمد في المدارس ذاك الوقت هو الضرب المصحوب بالاهانة والتحقير ..

للأسف هذا شي ما تقبلته ابدا، وسبب لي مشاكل كثيرة مع المدرسة

في السابق .. كان نظام التعليم يخليك تعيد العام الدراسي كامل اذا رسبت في مقرر واحد ..

طبعا انت تشوف كلمة ماجستير واكيد بتقول هذا كان ممتاز ولا قد رسب ولا مرة?

عشان اصحح لك المعلومة ..

رسبت في الثانوية لين دخت ..

بعد معاناة سنتين نجحت من صف اول ثانوي❗️

اما ثاني غرزت فيها .. ثم المدرسة قالوا لي توكل على الله والا حوّل للدراسة المسائية ..

المهم ..

تركت المدرسة وتوجهت للشارع العام اللي كان جنبنا ..

كان مشهور ذاك الوقت محلات عبارة عن كباين اتصالات

المهم رحت ادور لي كبينة اتصالات