( إيه الفرق بين #المعرةالسورية2024 و #نكسة_1967 ؟

ما عرفتش أقول ع اللي بيحصل في سووريا نكسة ولا نكبة

لأن الاتنين ممكن يحصلو غصب عن أهل البلد

لكن كلمة معرَّة (من عار) هي اللي تليق اللي باللي في سوريا دلوقت

اللي حصل في نكسة 1967ولا حاجة بالنسبة للي في سوريا 2024 في كذا حاجة: https://t.co/8GmOrtvraG

نفتكر الأول إن اللي بيسقفو ل #سقوط_سوريا في إيد المليشيات والاحتلال، هما هما اللي بيعايرو مصر بنكسة 1967

ويعتبروها "أم الهزايم"

وبيقدمو إن مصر اللي حصلها أكبر هزايم في التاريخ

فإيه الفرق بين الحدثين:

1- نكسة 1967 خسرنا فيها سينا، لكن سوريا وقعت كلها في إيد جيوش أجنبية ومليشيات

2-نكسة 1967 كلنا كمصريين غطانا الحزن، ورفضنا الاحتلال وقاومناه

أما في المعرة السورية 1924 فأكترية السوريين بيرقصو وفرحانين بسقوط بشار الأسد، ومش هاممهم إن بلدهم وقعت في إيد محتل إسرائيلي وتركي إلخ

3- الجيش المصري لما انسحب من سينا ما اختفاش ولا هرب، لكن رجع للجبهة وبدأ يحارب

وبدأ يحارب في عمليات خاصة أو حرب الاستنزاف إلخ لحد ما رجعنا سينا

أما في المعرة السورية، الجيش اختفى، وملايين السوريين هربانين

4-في مصر أي حد ممكن يمدح الإسرائيلي كان يُعتبر خاين، في سوريا مدح التركي والإسرائيلي والأمريكي إلخ كتير من السوريين بيعتبروه حق وفخر

5-في 1967 ريس البلد (عبد الناصر) وكل المسئولين قعدو في البلد،وما استخبوش في أنفاق، رغم السما كانت مفتوحة للقاهرة قصاد الطيران الإسرائيلي

في المعرة السورية، الريس هرب ومن غير ما يهتم يرتب أمور الجيش قبل ما يمشي، وساب البلد للفوضى https://t.co/iUODaluwuf