لو رحت لبيراميدز عرضت عليهم معسكر فى الهند هايسألنى شوية اسألة:

* مين الفرق اللى هالاعبها

* الاقامة شكلها ايه

* المقابل المادى كام

* هاتسوق اسمى فى الهند ازاى

* هاتبيع منتجات اسم النادى هناك ازاى

* حقوقى كنادى فى البث الفضائى

* حقوقى كنادى فى الدخل من حضور الجماهير https://t.co/dcJt6Hif4Y

ويسمع منى وبعدين يشوف عروض من شركات غيرى ويقيم ويختار الاصلح للكيان

ويبقى فى تنافس منى كشركة ومن غيرى على تنظيم معسكر بيراميدز لانه اسم كبير وفريقه نجوم معروفين بالاسم

* لكن لما اروح لبيراميدز واقوله وقع معايا بس انت وهاتشوف احلى شغل هاجيبلك فرق تحفة وفيهانجوم عالمية

وهاتاخد مبلغ مالى وان شاء الله خير !!

ده اسمه عبث واستخفاف بالعقول

خاصة لو انا كشركة اتعاملت مع بيراميدز قبل كده وجبتلهم مدرب وبعدين هربته وبعدين رجعته وارجع اعرض عليهم عرض هلامى زى كده ده اسمه ايه بقى ؟!

اقولك انا .. ده اسمه ادينى اسمك ابيع بيه واعمل شو فى الهند واسوق لشركتى

وانا معايا بيراميدز ياجماعة انا شركة كبيرة

و لما يبقى موعد المعسكر ده متعارض مع بطولة محلية مؤهلة لكأس النخبة اللى جوائزه " 2 مليون دولار تقريبا " اكبر من المبلغ المعروض على بيراميدز من شركتى ووقع بيه وهو مبلغ 160 الف دولار مايعادل 8 مليون جنيه تقريبا

بالتالى يضطر بيراميدز يلعب البطولة المحلية المؤهلة لكأس النخبة الاغلى بالناشئين ويبقى باضيع حقوق النادى المالية وباضيع المشاركة للمرة الثانية فى بطولة النخبة !!