ليه أوبئة زي فيروس كورونا بتنتشر تصاعديا، وازاي أنت كشخص تقدر تحاصر الفيروس؟

ازاي الإبعاد الاجتماعي - تفادي الأماكن العامة والتقليل من الحركة - بيحد من الانتشار؟

الإجابة من 4 محاكيات من الصحفي هاري ستيفن

هنحاكي انتشار فيروس ما بين عدد شريحة معينة من السكان.

هنسمي الفيروس ده "معتز" -طبعا هو ما سمهوش معتز بس للتسهيل يعني- وهنخليه ينتشر في مدينة عدد سكانها 200 شخص.

بس في نقطة مهمة، "معتز" بيصيب بس مش بيموت، على عكس كورونا.

المحاكاة الأولى;

هنصيب شخص من الـ 200 بفيروس"معتز" دون فرض أي حظر تجول أو أي شيء، وهنخلي كل السكان بيتحركوا بشكل عشوائي، والنتيجة زي ما ظاهر.

هتلاحظ إن جيه وقت معين، بقى كل السكان مصابة وده بسبب حركتهم المستمرة وبعدها بيبدأ التراجع والتعافي

تذكر: "معتز" مش بيموت عكس كورونا https://t.co/vb8R2IGz7p

المحاكاة الثانية;

هنطبق الحجر الصحي الإجباري في جزء من السكان، وهنشوف اللي هيحصل.

هتلاحظ إنه بطريقة ما وبسبب شخص مصاب، "معتز" انتشر برده.

ليه؟ علشان أساتذة الصحة مقتنعون تمام إن "هذه الأنواع من الحظر لا يجدي نفعاً" بسبب حركة الأشغال والناس اللي عايشة بعيد عن مكان الشغل وهكذا https://t.co/0LDya5s5hS

المحاكاة الثالثة;

بسبب زي ما قولنا، حركة الأشغال، هنخلي ربع سكان المدينة بيتحركوا مع تطبيق "الإبعاد الاجتماعي".

هتلاحظ إن المعدل الزمني اللي بيحصل فيه إصابات مزدش بطريقة تخلي مفيش إمكانية للتعامل معاه.

ليه؟ تطبيق الإبعاد الاجتماعي قلل نسبة التجمعات وبالتالي قلل الانتشار https://t.co/U3FDgZmhMv