(( العرس ما بطيخة مقفولة .. إنت ده البطيخة مقفولة ))

عنوان مقال كتبه الاعلامي علي القاسم حكتبه ليكم هنا لاتفاقي الكامل معاه ??

قبل فترة نزلت سؤال عن أهم الصفات في شريك الحياة، وكان في محددات للإجابة

تراوحت اجوبة الشباب بين محترمة , متدينة ،مرورا بشخصيتها قوية وطموحة.

اما الشابات: فركزوا جدا مع الشهامة الكرم، الاخلاق العالية..

وبالرغم من اني أكدت على اننا نبعد من الصفات التقليدية إلا ان الاجابات جاءت بنسبة كبيرة متكررة ورتيبة ونموذجية جداً.

وده شي متوقع أكيد بما انه المنشور علني و قدام الله وخلقه فالناس ممكن م تتعمق في وصف رغباتها الحقيقية..

ولكن ما اخشاه .

وما لاحظته فعلا في واقعنا ..

هو انه نحن فعلا تقليدين جدا في آليات بحثنا عن الطرف الآخر .. وبنعتمد في اختيارنا على مقاييس ومعايير فضفاضة جداً وما محدده او محددها لينا المجتمع سلفاً .. يعني ماسكين في متدين وخلوق و في بت سمحة وبت ناس .. وبالرغم من المعايير دي الا انه الطلاق حاصل و المحاكم مليانه ..

طبعا ده غير انه في عوامل بتضغطنا وبتخلينا ( متصربعين ) في قرار الإرتباط وأحياناً متهورين ..

زي فكرة (البورة) وقطر الزواج البقا بدهس بكل وحشية زيجات كتيرة اتأسست على فكرة ( القطر ما يفوتك ) وما تحكها اصلاً العرس بطيخة مقفولة .. وداير تقعد عزابي لمتين ..