اول مرة هعمل ثريد بس بجد حابة احكيلكم قصة لانها تستاهل وكمان عملت ضجة كبيرة هنا في ايطاليا وقررت بما إن تابعت الموضوع كويس احكيلكم..

?البنت إللي في الصورة إسمها " سيلڤيا رومانو"، بنت ايطالية راحت عمل تطوعي في دولة كينيا سنة 2018، العمل التطوعي دا كان عبارة عن انها بتدرس لأطفال+ https://t.co/qZKqHsFUbM

في قرية "Chakama" التابعة لمقاطعة "kilifi".

في واحد عضو في مجموعة الشباب الصومالية الجهادية، (وهما عبارة عن ارهابيين) ، كان علي علم بوجود سيلڤيا في القرية.. تم اختطفها من قبل المجموعة الإرهابية يوم 20 نوفمبر 2018 بمساعدة الشخص إللي كان علي علم بوجودها وتلاتة اخرين+

الجماعة الإرهابية إللي خطفتها مرتبطة بالقاعدة وتسيطر علي الأراضي الصومالية من سنينوتشن وكمان بيعملو هجمات إرهابية. الغرض من اختطاف سيلڤيا هو : مقابل سيلڤيا ياخدو من ايطاليا فلوس واسلحة لتمويل أعمالهم الإرهابية.+

وبعد ما تم اختطفها، سيلڤيا والتالته الارهابيين كان لازم يعدو الحدود عشان يقدرو يوصلو الصومال، المسافة كانت طويلة جدا ومكنش بعربية ولا طيارة.. كانت يا اما يمشو علي رجليهم أو بدراجة نارية، والمرحلة خادت منهم أسبوع كامل.

لحد النهاردة معرفوش هي كانت مخطوفة في اي منطقة في الصومال+

المفاوضات بين الجماعة الإرهابية وايطاليا بدأت من صيف 2019، ودا بسبب إن الجماعة الإرهابية تواصل مع المخابرات الايطالية عشان محتاجين الفلوس والأسلحة.

في يناير 2020،وصل لمسؤولين وكالة المخابرات الإيطالية العاملة في الخارج ، "Aise" ، فيديو للبنت قالت فيه إنها كويسة.