النهارده هنحكيلكم شوية عن المواقع الأونلاين لحجز الفنادق وكمان تذاكر الطيران

نبدأ بالفنادق : الأسعار مبتختلفش كتير بين موقع والتانى والإختلافات بتبقي فى قوة الموقع او الموظفين اللى بيبقي اسمهم Contrating and Yieldingفى أنهم يعملو عقد كويس مع الفندق بأسعار كويسة وطبعا بTarget

والفنادق بتحسب ال Target للشركة أو الموقع عن طريق حاجه اسمها ) Number of Room Night ) يعني ايه؟

يعني حجزت كام أوضه والأوض دى قعدت كام ليلة

يعني لو حجزت مع الفندق ١٠ أوض كل اوضه قعدت ٤ ليالى فأنت كده حققت ٤٠ room night , طبعا الفنادق الكبيرة بتديك target بيوصل ل 20,000 room night

باقى التفاصيل كلها تقنية فى أزاى المواقع والشركات بتستقبل الأسعار من الفنادق ويعني ايه Extranet و Dynamic Rate over the API , لو حد فى المجال ومهتم يعرف التفاصيل الزيادة دى هيبعتلنا وهنشرحلة بالتفصيل

النقطة الأهم هي مواقع حجز الطيران واللى بتختلف بشكل كبير

وعلشان نفهم دا خلينا نقولكم كام معلومة صغيرين:

١-شركات الطيران بتعمل تسعير لأسعار التذاكر بتاعتها طبقا لأكتر من عامل اللى يهمنا دلوقتى ( هتبيع التذاكر دى فى أنهى سوق ).

٢-شركات السياحة بتصدر تذاكر الطيران بإستخدام لنظام عالمى أسمه Amadeus وبيديك الأسعار بتاعه السوق اللى انت فيه

يعني ببساطة:

تذكرة طيران ( القاهره - روما - القاهره )على مصر للطيران لنفس تاريخ السفر

لو أنا شركة فى مصر هيطلعلى السعر ٣٠٠٠ جنيه

لو أنا شركة فى الإمارات هيطلعلى السعر ٢٨٠٠ جنيه

لو أنا شركة فى قطر هيطلعلى السعر ٢٨٥٠ جنية

لو أنا شركة فى الهند هيطلعلى السعر ٢٦٠٠ جنيه

لنفس التذكرة