#علىهوىالحكومة
معرفش الكلام المكتوب دا هيشوفه القارئ معارضة ولا مساندة لكن معروف عني؛
لا ألتفت كثيرا للتصنيفات، هقول كلمتي ورزقي على الله.
إحنا في أزمة ولازم نبلع أدوية تقيلة ونعمل جراحات عويصة بس لازم قبل دا كله نعمل أشعة ونصارح أنفسنا بحقيقة المرض،
-١تابع
بس الدكتور لا راضي يكتب مسكن ولا يفهم المريض ليه طيب سايبه يتألم!
وبالتالي مينفعش نلوم على المريض صوت أنينه وبرضو مينفعش نسيب الدكتور عن ألم مريضه ساكت!
والكلام هنا من زاويتي اللي أكيد في زوايا أخرى للموقف مش مذكورة أو غير معلومة.
إحنا بلد بظروف شديدة الخصوصية
-٢تابع
وأصحاب تجارب سياسية وإقتصادية كتير علمتنا وعلمت علينا وعملت مننا شعب حمول لكن مش جهول. ساعات نبان متهاونين لكن ساعة الجد اتعرف أد إيه إحنا مش سهلين.
الكلمتين اللي جايين متوجهين للسلطة سواء كانت للريس والحكومة بوزراءها ولا بمسؤوليها أو للشعب مصدر السلطات.
-٣تابع
أيوة إحنا في بلد أمان وبيوتنا مستورين وارضنا متصانة وستاتنا مش متهانة
بنكافح في بلدنا بكرامة مش لاجئين ولامطاريد ولا بنزاحم شعوب تانية في ارزاقها
قرارات صح او غلط انا مش مكان اللي فوق عشان أخدها ولا أعرف كل ظروفها وملابستها
-٤تابع
وأيوة إحنا استحملنا كتير وتعبنا وشايفين حاجات ميتسكتش عليها وراضيين وبنقول خليها تمشي وفواتير متأخرة بنسدد تمنها وحروب بالوكالة بنحارب فيها و ننتصر لوحدنا وأغلى عيالنا راحوا وقوى دولية وتحديات أمن قومي وسواد كتيرعدينا منه وإتحشرت رقابينا في عنق زجاجته
-٥تابع
