مساء الخير ...
واللي مش متابع أخبار الكوكب...
فخليني اقولكوا .....
ومطولش عليكوا وقولولي طول....
♦️ فرنسا...
فرنسا بتسجل أعلى نمو إقتصادي ف اوروبا بعد كورونا بمعدل ٧٪ ....
إستنى بس رايح فين متفرحش كدا...!!
أصل كمان الإقتصاد الفرنسي بيواجه تحدي غريب شوية...
بيواجه ديون وصلت ل ١١٦٪ من الناتج المحلي
واحد هيطلع يقولي ياعم انت هتلخبطنا ليه متفهمنا هما كويسين ولا وحشين.... حرانيين ولا سقعانيين
مبسوطين ولا زعلانيين.... يعني !!
هبسطهالك....
شوف يا سيدي وما سيدك إلا أنا ...
لو انت مثلا كل دخلك وشغلك ١٠ تلاف جنيه ف الشهر وبتصرف منهم ٩ تلاف يبقا انت زي الفل ومفيش ديون ومكفي نفسك وكمان بتحوش
انما لو كل دخلك ١٠ تلاف جنيه ومصاريفك ١١.٦٠٠ الف يبقا انت محتاج كل شهر تستلف ١.٦٠٠ جنيه علشان تكمل الشهر يا إما هتخفض مصاريفك....
ودا فعرف إقتصاد الدول بيسموه خطة تقشف ودا ممكن يسبب بطالة وإرتفاع فالاسعار وتضخم وليلة كبيرة سعادتك....
بس خد بالك.....
ف النظريات الإقتصادية ...
لو ديونك تعدت اكتر من ٩٥٪ من الناتج المحلي يبقا إقتصادك فخطر والدولة كلها ف خطر
نفس اللي حصل ف مصر سنة ٢٠١٤ دلوقتي مصر وصلت ل ٧٥٪ من الناتج المحلي يعني ف الآمان
فرنسا بقا وصلت ديونها ل ١١٦٪ من الناتج المحلي
امريكا وصلت ديونها ل ١٢٠٪ من الناتج المحلي ....
