ثريد طويل شوية عن مبادئ الاسعافات الاولية

يمكن تحتاجه كمان كام ساعة و تبقي سبب ف انقاذ حياة شخص

وَمَنْ أَحْيَاهَا فَكَأَنَّمَا أَحْيَا النَّاسَ جَمِيعًا

فالثريد ده هشرح ازاي تتعامل مع شخص شم غاز سام او جاله نوبة قلبية او بلع لسانه او سكتة دماغية او نزيف او كسور او غيبوبة سكر او حروق او نوبة صرع او اختناق او كسر سنان او نزيف انف او انخفاض الضغط او ضربة شمس او لدغة تعبان

انت مش هتتعلم تعالج المريض انت دورك انك تحافظ علي حياته لحد ما الاسعاف تيجي و تتحمل هي المسؤولية

فيه شوية اساسيات لازم نعرفها قبل البداية لما تلاقي واحد مغمي عليه او فحالة خطيرة

اولهم قانون CCC يعني check call care

يعني تفحص العيان و تشوف سبب المشكلة

تكلم الاسعاف لو الحالة خطيرة - رقمهم ١٢٣

تبتدي تعتني بالعيان و ده اللي هنشرحه

طب ازاي هنعتني بواحد مغمي عليه لاي سبب كان

اول حاجة تبص عليها درجة الوعي عنده و دي بنحددها من قانون AVPU

الA يعني alerted ده شخص فايق زينا

الV يعني verbal stimulus ده هيفوق اما تناديله

الP يعني painful stimulus ده هيفوق لما توجعه زي انك تقرصه ف ودنه مثلا