طيب بسم الله الليله حنتكلم عن زماله الكليه الملكيه للجراحين MRCS اول شي نتفق عل الثوابت للناس التابعت ثريد الباطنيه MRCP
هنا ممكن برضو تسجل في الgmc لو خلصت الامتحان وعملت الايلتس او oet يعني ممكن تشتغل سيرفس جوب لو مستعجل وبرضو نفس الفكره في الدول العربيه تشتغل خبره في مجالك
سنتين لتلاته بيصنفوك اخصائي في مصر ودول الخليج ديل وجه الشبه طيب في ميزه هنا ماموجوده في الcp ان ممكن تمتحن اول ماتتخرج يعني مالازم بارت ون تكون اتخرجت قبل سنه زي mrcp
طيب بعد دا ممكن نتكلم عن الMRCS اول شي نتفق انو امتحانين فقط الاول بيبر والتاني كلنكال وكلهم بيتعملو في السودان
فمايحتاج تسافر برا ودي ميزه وبرضو مافي انتظار زي الmrcp طيب والحاجه التانيه الامتحان تكلفته ٥٣٩جنيه استرليني يعني اقل برضو من الmrcp ومرات جمعيه الجراحين السودانين بيدعمو الناس الممتحنين بيكون الامتحان في السودان بنص السعر فدايما ناس السيرجري مزبطين ناسهم طيب قبل مانتكلم عن تقرا
من وين والتحضير حنقول طيب لو زول عاوز يتخصص في بريطانيا جراحه سهله ولا صعبه نتفق برضو على حاجه كل التخصصات الجراحيه في اي حته في العالم بتكون صعبه للاجانب لانها مرغوبه شديد من الدكاتره المحليين لكن حسب الكلام الجديد بريطانيا بقت ماتعمل التقسيمات دي طيب انت امتحنت وسجلت في gmc
يفضل انك تمارس في بريطانيا وبعدها تقدم عل الترينج جوب اللي هي تخصص مدفوع لان لو استنيتو وانت في بلدك ممكن الزمن يمشي وماتلقى فرصه اغلب الجراحين السودانين بيمتحنو بارت ون وتو وبينزلو بيهو اللوكال السوداني لان ممكن تنزل بدون امتحان اللوكال وبيخلصو البورد وبيمشو هناك فلو شيب يعني
