معلومه على الماشي نفك بيها الحزن على شهدائنا رحمهم الله
عين الحسود فيها عود وخمسة وخميسة وغيرهم كتير بي الجملتين دول يعتبروا من اشهر الامثله عندنا كمصريين وبيتقالوا لو حد خايف يتحسد وان ناس كتير بتلبس سلسلة متعلق فيها خرزة زرقة او عين زرقة اعتقاد منهم أنها هتحميهم من الحسد
??
والعين وحكاية الخرزة الزرقة دي حكاية طويلة وعجيبة وانا النهاردة جاي احكيهالكم
الخرزة الزرقة والكف والعين بيحتلوا مكانة كبيرة ومهمه في معظم الثقافات الشعبية للمجتمعات المسلمة واليهودية، فنادر تلاقي ست مش لابسه سلسلة مش متعلق فيها خرزة زرقة او عين،
?? https://t.co/IO7yJ1jzFC
اعتقاداً منهم أن فيها قوى سحرية وبتحصن الي لابسها من الخطر وبتحميه من العين والحسد وكمان بعض الناس بتعلق العين في العربيات وأماكن شغلهم..
الكف الزرقة عندنا كمصريين اسمها "خمسة وخميسة" لكن في بلاد الشام اسمها "يد فاطمة" نسبة للسيدة فاطمة الزهراء بنت رسول الله
?? https://t.co/SByXbAgBWI
إنما اليهود بقا بيسموها "يد مريام" إشارة لمريام الي ورد ذكرها في التوراة وهي أخت موسي وهارون.
في شوية فرضيات عن نشأة الأسطورة دي ومنها
ان علماء الآثار فرضوا ان أصلها فنيقي لأنهم كانوا بيقدسوا "تانيت" آلهة القمر والحارسة في مملكة كرطاج بنفس رمز الخرزة الزرقة
??
وإن الدايرة الي في وسط الكف بترمز للقمر
إنما مسلمين السنة شايفين إنها بتدل علي اركان الإسلام الخمسة والشيعة بيقولوا انهم بتدل علي اهل الكساء الخمسة الي هما سيدنا محمد وعلي وفاطمة والحسن والحسين
في الإسرائيليات وكتب اليهود بيعتقدوا أنها بتشير لكتب التوراه الخمسة الي همااسفار موسي
