قبل سنتين تقريبًا كان حلمي أكون مهندسة، وكنت أحمّس نفسي بإني أكتب Eng جنب اسمي عشان اتذكر دايمًا اني لازم اجتهد عشان اوصل، ودوبي كنت ألف في ذكريات التحضيري ولقيت دي الصورة وحسيت فجأة بالحنين لحلم الماضي?!
رح أحكيكم بما انو مشاعري جياشة ايش صار بعدها?? https://t.co/n4dIWMH20k
قبل كل شي، كل شي موجود في الصورة من كتاباتي كنت احب اكتب مره بالفصحى بس مدري ليش وقفت?♥️
المهم !
اندثر الحلم في اليوم اللي حسيت فيه بكلمة قريبتي لمن قالتلي قبل ما ادخل الجامعة "يبغالك تقوي نفسك في الانجليزي وتقرأي كتب من دحين عشان تدخلي على طول لفل ٤ وماتتعبي ودرجاتك تصير عالية"
وكنت استصعب فكرة اني اتعلم لوحدي فتجاهلت كلامها مدعيّة اني أقدر وممكن آخد آيلتس ويعني كلها درجة بسيطة اللي مطلوبه يعني حتتسهل حتتسهل??♀️
بس ما كنت أدري إنو الطريق الطويل صعب وفيلو شوك وأحجار وعثرات طويلة وأحتاج نفس قويّة عشان تكمّل فيه..
كنت أهتم بدراستي مره، لدرجة أول مره بحياتي أشوف الميات مرصوصة مع النتايج وعلى غير العادة كنت أحفظ المنهج كويس وأعيدو مرتين وتلاته وتجي ليلة الاختبار أكون بس أراجع وأحل أسئلة جديدة ودايمًا كنت أعيش دي الحوسة?♥️ < "اللي والله العظيم لما شفت الصورة دمعت من قوة حبي لدي الأيام" https://t.co/Afg8nDXGkY
وعشان ما أقول إني بوقف أسعى لحلمي، جربت اتعلم عن الايلتس كل شي وذاكرت جزء بسيييييط بسيط مره مدعيّة اني اقدر وماكنت أدري إنو كان يحتاج لو قوة وشدة بدل التخاذل دا ف نتيجتي كانت تفصلني عن الدرجة المطلوبة 0.5 بس وماقدرت اعادل لا لفل ٣ ولا ٤ ?
