تجربة يمر فيها كثير من الناس بسبب جهلهم لمفهوم توازن الطاقة (السعرات الحرارية).
١- دايت قاسي بسعرات منخفضة ولا يقدر يستمر.
٢-يسمع عن الكيتو ويبدأ يجربه ويلاحظ انخفاض سريع في الوزن بسبب انخفاض معدل الكارب المخزن في العضلات الكبد والسوائل، ويزيد ايمانه فيه ويكمل عليه فترة اطول.
٣- بعد فترة من خسارة الوزن المستمرة يتوقف نزول الوزن بسبب ان السعرات الداخله لجسمه تساوت مع السعرات اللي يحرقها.
٤- يبدأ يفكر بالصيام المتقطع وتقليل عدد الوجبات الى وجبتين في اليوم مثلًا ، ولما يسوي هذا الشي ينزل وزنه لانه ببساطه قلل السعرات اللي كانت مؤديه الى الثبات.
٥- وش يصير بعدها ؟
يؤمن ان الصيام المتقطع مع الكيتو حل سحري ? ويكمل عليه لحد ما يثبت الوزن لنفس السبب اللي ذكرته اعلاه.
٦- يسمع عن نظام صيام صارم أكثر اسمه OMAD = وجبة واحدة في اليوم ويطبقه ويكسر ثبات الوزن فعلًا لأن السعرات صارت اقل.
مع تقليل الوجبات لهذا الحد وش يصير ؟!
يصير عنده احتمالية لخسارة العضلات اذا ما اكل بروتين كافي.
احتمالية عالية لخسارة معادن وفيتامينات مهمة صعب الحصول عليها من وجبة واحدة فقط.
شعور بالاجهاد والتعب اغلب الوقت ثم يضطر يزيد عدد الوجبات ويزيد الوزن معها او ينسحب من الدايت ويصير آلة تسحق الاخضر واليابس ويزيد الوزن.
لاحظ ان هذا كله حصل معاه وهو ما يعرف وش يعني توازن الطاقة ، و انه الجسم عنده آليات دفاعية تجبرك على عدم الاستمرار اذا ما كنت جالس تعطيه سعرات ومغذيات كافيه.
طبعًا هذا الأمر ينطبق على كل انواع الدايت ، اذا قللت من السعرات بشكل كبير لفترة طويلة راح تحصل على نفس الأعراض تقريبًا.
