قبل ٣ ايام كنت برحلة سياحية وتحولت لتجربة نفسية واجتماعية جميلة دون تخطيط مني

انقطاع تام عن العالم ل٣٦ ساعة

بهالثريد بحاول اكتب احاسيسي بدون اي صياغة ادبية

عصيري معي وعلى هالمطل واسولف معكم https://t.co/oKWPCOAK9R

قال لي السواق ان فيه قرية اسمها بروكشكو تبعد عن سراييفو ساعة و٤٥ دقيقة لكنها تستاهل الزيارة

قرية على بحيرة فيها تقريبا ٣٠ كوخ

الاهم ان هالاكواخ مافيها كهرب والنت ضعيف جدا (بعد تجربته تقدر تقول مافيه)

الاكواخ ممكن تستأجرها يوم اذا بتنام او تروح نصف يوم تتغدا فيها وتمشي https://t.co/nHHjWYzTcC

قلت نحجز نصف يوم ونرجع لفندقنا والرفاهية

بس لما وصلت سحرتني طبيعته وبلحظة اعجاب قلت للسواق ارجع احنا بنجلس لبكره هنا

جربت النت مافيه (بالبداية قلت احسن وفرصة ابعد عن الجوال ) https://t.co/6LWnLVPygO

بعد ٤ ساعات من الانقطاع عن الجوال وقبيل غروب الشمس حسيت ما يشبه الاثار الانسحابية وبديت اكلم نفسي انه خلاص انبسطنا خل نرجع وكنت اوجد سبب للرجوع انه برد المكان والفجر بيوصل ٤ْ

ما كنت اقول لنفسي انه عشان النت

لكن انتبهت انه لازم اطلع راس الجبل واكلم السواق وغالبا انه رجع للعاصمة https://t.co/9prv5D7BtG

هنا رضخت للأمر الواقع

وبهاللحظة حصل تغيير كبير فيني

صارت كل ساعة تمر اشعر براحة اكبر من بعدي عن الجوال

صرت اسولف مع الاطفال وانا اشوف عيونهم وتعابيرهم وكان اكثر يوم بحياتي تفاعلت مع قصصهم

كنت الاحظ تفاصيل ما كنت الاحظها واحس بارتياح غير

وطبعا كانت مكرونتنا تطبخ ? https://t.co/3rcvlYV7uN