الامارات اما حبت تبقى دوله متقدمه زي اوروبا وعشان هما عندهم جنسيات مالعالم كله مقعدوش يدوا محاضرات للناس يعلموهم الادب والاخلاق،حطوا قانون فيه حبس وغرامات تقطم الوسط وطبقوه عالكبير قبل الصغير عشان كده اما عامل مصري بيبقى مسافر هناك اول توصيه ليه خد بالك لو عاكست واحده هتتحبس☺️
تاني حاجه بقى عشان الفهلوه المصريه في السواقه،اول حاجه لازم تمتحن عشان تطلع رخصه مبيعترفوش بالرخصه المصري،وبعد كده لو كسرت اشاره هتتحبس وتدفع غرامه وابقى حاول تاخد اليوتيرن من اقصى اليمين للشمال والعكس وشوف هيحصل فيك ايه،القانون يا ساده هو الفيصل مش الاخلاق
اي مجتمع في الدنيا فيه نسبة رعاع عايزه تكسر القوانين ودول مهما علمتهم من اخلاق وتربيه بردوا هيخالفوا القانون طول ما مفيش رادع بيردعهم،المشكله بقى انك لما بتسيبهم بينشروا ثقافتهم المنحطه عالمجتمع كله وبيبقى اللي مُلتزم بالقانون عبيط☺️
