?ثقافة البرشامة ?
هتلاقى كتير اوى من المعارضين بيحبوا جدا الاكلاشيهات ، الجمل القصيره التى تبدو عميقه ، وبتدى احساس لسامعها ، ان قائلها ، صايع ومدقدق ، حتى لو كان فى الحقيقه مجرد بغبغان بيردد كلام اوسع من اكتافه الضيقه !!
احنا بوجه عام اتعودنا على ثقافة الاستسهال والفهلوه ?
ثقافة الاختصار ، بنكره التفاصيل ، بنكره التدقيق ، بنكره ندى الحاجه وقتها ، بنفضل الانطباعات السريعه السطحيه عن التأمل و التحليل والتدقيق
هتلاقى مثلا بنحب ( مجموعة الانفلونزا ) اللى هى حباية بنادول على حباية مضاد حيوى على حباية فيتامين سى ويمكن يضيفوا ليها مضاد احتقان?٢
، ولما الواحد يحسن ان جسمه مرهق وداخل على دور برد ، (يبلبعهم ) ، زى اى حمار !
طبعا التصرف الاهبل ده مضر جدا !! ولا توجد له اى توصيه طبيه ، بالعكس توجد توصيات طبيه بعدم فعله ، لكن احنا زى مقولتلك بنميل للاستسهال والاختصار ، حتى لو هنضر نفسنا كالعاده?٣
?هتلاقى برضه بنحب اوى فكرة اسئله ليلة الامتحان !! اللى هى طلصق اى كلام بسرعه ، عشان تجيب اعلى درجه ممكنه بأقل قدر من المذاكره الجاده !! فهلوه صرفه !! وطول السنه حتى ما بيذاكرش الطالب من دول من كتابه الطبيعى ، لا ، دايما هتلاقى ماشى بملازم و مذكرات شرشر ! ?٤
?حتى فى الغش يا مؤمن !! مفيش اى رغبه فى الجديه او الاجاده ، هتلاقى دايما بيميل المواطن لعمل ( برشامه ) ، ورقه لا تسمن ولا تغنى من جوع ، بس هو متصور ان فيها مية المحاياه !! وفى الاخر كالعادة لا بيجيب مجموع ولا نيله !!
?هتسمع برضه فى نقاشك مع صديقك مدعى الثقافه والعمق ?٥
