امبارح وانا قدام البنك مستني دوري عشان ادخل وقفت بعيد عشان احافظ على مسافة بيني وبين غيري. لقيت اتنين رجالة فوق الستين قاعدين جمب بعض على الكراسي اللي البنك حاطتها برة وبقهم تقريبا في بق بعض وقاعدين يشربوا سجاير ويتناقشوا وهم بيتفتفوا في ايه اللي الحكومة لازم تعمله عشان الكورونا
قبلها شفت طانط في السوبر ماركت لابسة جوانتي وبترش كحول على عربية السوبر ماركت بعدين قابلت طانط تانية فأخدتها بالحضن
بناء عليه
أسئلة وأجوبة عن حقائق وخرافات الكورونا:
*الصين وحشة عشان بياكلوا خفافيش.
الموضوع مبتداش بخفاش ابتدا بحيوان اسمه بانجولين اتعدى من خفاش وبعدين عدا بني ادمين.
*الصين وحشة عشان بياكلوا بانجولين ده.
اكبر مخزنين للانفلونزا واللي كان وما زال متوقع يطلع منهم وباء مدمر هم الخنازير والطيور. الوباء ممكن يبدأ من أي حتة وينتشر لأي حتة. ردود الفعل العنصرية بجانب انها غلط هي كمان ملهاش لازمة ولا منها فايدة بل العكس بتشجع البلاد انها تخبي.
