منقول فخامة المرض Corona virus
تحية طيبة و بعد
معاك اخوك حماده من مصر وعشمان في سعادتك في طلب
كنت معتمد على عقل و مفهومية شعبنا المصري وفي قدرته على البعد عن معاليك
لكن واضح انه استحالة ده يحصل.....استحالة بكل ماتعنيه الكلمة من معاني
كل أملي ان فخامتك.....تحاول تتحاشاه
??
صدقني لو بعدت عنه انت الكسبان....ليه؟؟؟
اقولك ليه
ده شعب بيشيل في التلاجه نص لمونه ناشفه و ازازة بيبسي قديمه فيها ميه و اكياس كاتشاب كتير و لبوس جلسرين و دوا كتير منتهي الصلاحية و بيضه مكسوره وناشفه وصنيه كبيرة قوي فيها بربع جنيه مكرونه بالباشامل
??
و في الفريزر بيشيل علب ايسكريم فيهم توم
شعب بيحط في المطبخ راديو ترانزيستور مزيت ثابت على محطة واحده
شعب بيشتري كوبايات جبنه وبعد مايخلص الجبنه يشرب فيها شاي
شعب تسأله على عنوان انت مش عارفه يقولك: هو قالك فين؟؟؟
??
شعب بيتعالج في الصيدلية مش عند الدكتور.....ولو الصيدلي اداله دوا يقترح عليه دوا تاني يساعد الاولاني
شعب بيعز الجرايد القديمة ويحتفظ بيها لاسباب غير مفهومة....وبتتحول لمفرش على السفره بعد كده و ينضفوا بيه الازاز ....المهم اي حاجه غير انها تتقري
??
شعب بيشيل اكياس الهدايا والاكياس البلاستيك تحت السريرلسنوات طويلة املا في استخدامها في المستقبل
شعب بيضرب كلاكس العربية والشارع فاضي
شعب تلاقي فيه الواحد نجار وسباك و سياسي و رياضي ومحلل عسكري و صيدلي في نفس الوقت
شعب بيعشق حاجه اسمها نيش رغم انه غالبا مابيعزمش حد
??
