بالشتي بتكتر مشاكل العفونة عالحيطان والسقوفيات، خاصة" بالأماكن الضيقة ورا الخزانات والتختيات. ثريد سريع عن الأسباب وطرق المعالجة.

العفن هوي نوع من الفطريات اللي بتنمى بالأماكن الرطبة والمعتمة.

السبب الرئيسي لكان هوي الرطوبة العالية، اللي ممكن يكون إلها عدة أسباب وعدة مصادر ? https://t.co/pzZBVz5v80

السبب الأول: مشكلة نش خفيف من السطح أو الحيطان الخارجية. ولو ما في نقط ماي، اذا النش خفيف بيعمل رطوبة عالحيط أو السقف من الداخل.وبالتالي ضروري يتعالج النش من الخارج قبل كل شي

السبب التاني: المنطقة بطبيعتها رطبة (قرب بحر أو نهر)،وبتزيد الرطوبة بالشتي خاصة" اذا الغرفة مش مدفاية ?

السبب الثالث: تكون الرطوبة من نشاطات بقلب البيت (حمام، طبخ، غسيل...)

تنمنع يتكوّن العفن:

1- التهوئة الطبيعية بشكل أساسي (فتح الشبابيك لدقائق كل يوم حتى بالبرد القاسي)، خاصة" خلال أو بعد النشاطات اللي بتولّد رطوبة.

الأماكن الضيقة لازم تتهوّى كمان (منبعّد الخزانة عن الحيط، أو ?

منحطّ مروحة صغيرة تخلّي الهوا يوصل لكل الأماكن)

2- الضوء الطبيعي بيقتل الفطريات، وبالتالي نحاول نخلّي ضوء الشمس يوصل لكل زوايا البيت

3- بالحالات القصوى ممكن تركيب مكنة لسحب الرطوبة بالغرفة dehumidifier، أو تشغيل المكيّف على وضعية ال dry (سحب كهرباء منخفض)

?

4- اذا البيت آخر طابق، عزل السطح حراريا" (بالفلّين الأزرق) بيرفع حرارة السقف وبالتالي بتخفّ ال condensation وتكوّن العفونة

5- ممكن استعمال دهان خاص antibacterial بس لازم يتجدد كل 5 سنين تقريبا"

6- اذا في نش، متل ما قلنا لازم نعالج سبب النش وننطر الحيط/السقف ينشف طبيعيا"

?