زمان كان المصروف نص جنيه
وبنصحى 6:30
وبنروح مشي للمدرسه
كنت تستنى أمك وهيا تحطلك السندوتشات فى الشنطه كانت 7 حصص
وأكبر فرحه لما أستاذ يغيب ويكونوا 6 حصص
كانت الحيطان مكتوب عليها أسامينا
وراسمين عليها قلوب وأسماء صحابنا
كان الخوف من حل لواجب أكبر خوف ?
وكانت رهبة الأستاذ كبيره ? https://t.co/HKkEaFjggk
كان جرس المرواح أكبر فرحة
كنا نجرى عشان نطلع من الباب زى اللى طالع افراج من السجن
كنت احط إيدى على كتف صاحبى ونروح
كانت ضحكتنا راس مالنا
ماكنش للهم مكان جوانا
كان الواحد يروح تعبان
ويرمى الشنطه على الباب وينادى ياأمى عامله اكل ايه
لما تكون زهقان تنزل تلعب ف الشارع مع صحابك
بس بتفضل أيام زمان دى زكرى مابتتنساش
وياريت يرجع زمان كنا أحلى كنا طيبين كنا صغيرين
وياريت فضلنا صغيرين دا اسمه زمن الطيبين
كنا بستنى سنه 4 إبتدائي عشان نكتب بالجاف ✏
تسألك امك الساعه كام تقولها الكبير على اربعه والصغير على سته
كنا نستنى الامتحانات عشان مانخدش الشنطه
وتلبس لبس جديد وتستنى الشهاده
واول ماتبان تكون أول واحد رايح تجبها
أكيد عملت حاجه من دى وانته صغير
كنت بترسم الشمس فى زاويه الورقه
كنت بتقفل باب التلاجه براحه عشان تشوف اللمبه بتطفى أمتى
كان احسن لعبه واختراع انك تقف ادام المروحه وطلع صوت م فمك وتشوف الصوت هيقلب م صوت المروحه ازى
كان اسعد يوم أما المطر يمطر وانت فى المدرسه واليوم يضرب ومفيش حصص وتنام وتدفى انت وأصحابك فى الدسك
كان اكتر ريحه منتشره فى الفصل ريحه سندوتشات المفتقه واكياس الكشرى واحسن لمه كانت أما تعمل غديوه انت وأصحابك فى حصه الالعاب
كان لما حد ف البيت يطلب منك كوبايه ميه كنت لازم تشرب
