طبعاً السائل والكثير أمثالة ماكنت اتخيل انهم موجودين وكل الكلام اللي نسمعه عن بطالتهم انه مجرد إشاعات لكن للأسف قابلت كثير منهم بمقابلات شخصية معهم لبعض الوظائف ... وسأشرح لكم وين تكمن المشكلة اللي مسببه بطالتهم .. https://t.co/Vh47p5wV1w
قبل كم سنه توفرت فرصة وظيفة واجري عدة مقابلات لمتقدمين عليها اذكر احدهم خريج بريطانيا يحمل بكالوريس علوم حاسب تخيلوا حاولت معاه يعطي اي معلومه عن تخصصه ماعرف سألته وش ممكن تشوف في نفسك من قدرات يشفع لك تتوظف
اقسم بالله قال ممكن اساعدكم في اي شي تحتاجونه اذا عندكم كراتين اقدر اشيلها لكم ومستعد لو تبون شاي وقهوة اسويلكم !!!
طبعاً في هذه اللحظة حسيت انه يتريق علينا لان الوظيفة او الراتب مااعجبه لكن للاسف كان يتكلم جد !!!
شخص آخر كل مااسأله سؤال يقولي ايوه درسناه بس مااذكره الان ??♂️
قلت له طيب وش تعرف قولي .. قال اعرف اركب طابعات .. تحمست معاه مع انه المفترض ماله علاقة بهالاشياء المهم قلت له حلو ممتاز كيف تركب طابعه .. قالي اشبكها بالكهرباء واحط السي دي حقها واذا اشتغل اضغط اللي فوق ??
قلت وشو اللي فوق قال زر تضغطه عشان تكمل ??♂️
هذا بخلاف الكثير من المبتعثين اللي لغتهم ضعيفة جداً جداً بخلاف جهلهم وضعفهم بتخصصهم ..
للاسف السائل والكثير اللي مثله درس بكلية الحاسب وهو من الاساس مايدري وش ممكن يشتغل بعد التخرج !!
