تعاني من شح بالأفكار؟

طرق بسيطة تخليك تطلع أفكار بسهولة

@illustrator_sa https://t.co/teQO9mg1r3

- أولًا قبل ما تبدأ بالتصميم سوي خريطة ذهنية وقسم الأفكار الي ممكن تطلع فيها من بريف العميل

مثال: البرجر السريع

يصير عندك اسم برجر وعندك اسم سريع، وتبدأ تطلع أفكار عن الأسمين وألوان ودلالات

مطعم، برجر، سرعة، لون، خلفية، رسومات

*مو شرط الدلالة تكون واضحة

- ثانيا غذي بصرك عن المجال وعن نوع التصميم مثلا:

مجال التصميم: مطعم برجر

نوع التصميم: شعار

وتبدأ تبحث بمواقع التغذية عن شعارات في المجال وتشوف طرق التصميم والأفكار الي استخدموها، الشعار مو لازم يدل على المجال ممكن يدل على اسم او شكل، ولا تنسى تصمم على حسب المطلوب منك من العميل

- ثالثا تبدأ ترسم سكتشات الشعار

عندك افكار مختلفة واشكال وتقدر تدمج ما بينهم، فكرتين كحد أقصى لانه كل ما زادت الأفكار في الشعار صار الشعار مشتت

- رابعا ننتقل للبرنامج

نبدأ نصمم الشعار ونرسمه ونوزنه عشان يصير الشعار متناسق بصريًا، ولا تنسى تصمم الشعار بالأبيض والأسود عشان تتأكد ان الشعار واضح في الالوان الاساسية وعشان تتأكد انه لو كان بلون واحد مارح تختفي تفاصيله

اذا أفدتكم لا تنسون دعم التغريدة لتصل لأكبر شريحة..