في هذه السلسلة راح اتكلم عن شنو يعني تطبيع؟ وهل هو فقط متعلق باسرائيل؟

التطبيع بدايةً معناته ان يصبح الشيء طبيعيًا في نظر الانسان وقد يكون مستنكر ومرفوض من قبل. Normalization

كلمة التطبيع نسمعها كثيرًا مع موضوع الصهاينه والتطبيع مع اسرائيل ومعنى الكلمة في هذا السياق ان علاقاتنا تصير طبيعيه مع هذا الكيان المجرم نروح ويجون نشتري ونبيع معاهم ويسقط كل استنكار من الموضوع ولا كأن في ناس انظلمت وقتلت وهجرت.. باختصار التعامي عن المشكله!

لكن التطبيع له اشكال كثيرة مثلًا الافلام والمسلسلات طبعت اولًا للعلاقات المحرمة شوي شوي صار الفحش والزنى علني بكل تفاصيله وصار الموضوع (طبيعي) عند المشاهد خاصةً ان مافي صوت اخر يردعه او ينبهه.. وهذا التطبيع يبلش من الكرتون تلقى اللبس القصير والكلام البذيء والتمرد العنف والقتال..

..كله صار طبيعي!

في ناس تعتقد ان الموضوع مبالغ فيه وكأنه مؤامرة

لكن دقيقة.. كل هذه المعلومات والمشاهد تسمى مدخلات أي معلومات تدخل العقل.. وتطلع عادي؟ طبعًا لا هذه المعلومات تخزن في عقل الانسان سواء جاهل او عاقل وتتراكم مع كمية هذه المعلومات وتكرارها كأن مافي مواضيع ثانيه بالدنيا

تطبيع العلاقات المحرمة تطبيع الشذوذ الجنسي تطبيع التمرد الغير مبرر تطبيع الفردانيه وكره العائلة والمجتمع وسلسلة طويله من الانحرافات اليوم لو تروح لانسان عمره ١٥ وتكلمه راح تصعق بكمية الفساد الاخلاقي والانحلال والتطبيع بالحرام الي صار لهذه الاجيال لان مافي اساس مبني على دين او خلق