حد قبل كدا سمع عن مرض "الفيبروميالجيا".. !!

أو اللص الخفي بيسموه مرض العصر

السيدات اللي كتير بتشكي إنها على طول تعبانة، وبتعاني من آلام منتشرة في جسمها كله،رغم إن تحاليلها كلها سليمة،وما بتبقاش عارفة عندها أيه !!

ركزي في كل كلمه في الثريد ده لعله يرشد الكثير منكن عن سبب آلامهن. https://t.co/0DN65q1ugJ

"الفيبروميالجيا" مرض نفسي عضوي..يعني أيه بقي؟؟؟

يعني حضرتك.. هو مرض يُصيب الستات أكتر من الرجالة ده مبدئياً.

تاني حاجه بيتسلل للشخصية الحساسة بزيادة أو الكتومة في زعلها أو اللي أتعرضت لصدمه نفسية كبيرة في حياتها ..وإلخ ، وبيزيد الألم مع سوء الحاله النفسية..

وهو عبارة عن اضطراب في الناقلات العصبية المسئولة عن إحساسك بالألم.. بالبلدي كده جسمك بيحس بالألم بشكل مبالغ فيه عن الشخص العادي.

هو مرض مزمن (يعني مش بيخف ولازم تتعاملي معاه طول حياتك ذي مرض السكر كده).

طيب هل أي وجع بتحسي بيه وتقولي ده فيبروميالجيا.. طبعاً لاء ..

لازم تتوافر الشروط التالية:

-ألم في العضلات مزمن بيزيد أحياناً ويقل أحياناً، منتشر في أجزاء متفرقة في الجسم، وخاصة الTendr points الموضحة في الصورة تحت..

-ألم متساوي في جانبي الجسم.

-ألم مزمن لمدة لا تقل عن 6 شهور.

-مع بقي إنك بتعملي كل تحاليل المناعة بتلاقيها سليمة وفله.

أسبابة: https://t.co/upmxPaLhFI

العلم لم يتوصل للسبب الحقيقي ليه لغاية وقتنا هذا والأرجح إنه مرض وراثي.

أعراضه:

-ألم مزمن بعضلات الجسم وخاصة عند اللمس، بيخليكي مش قادرة تعملي الأنشطة اليومية البسيطة.

-الألم بيزيد مع الراحة وأثناء النوم.

-بتصحي من النوم الصبح تعبانة رغم إنك المفروض نمتي عشان ترتاحي،