قال انو الحيوانات بتصيبهم أمراض نفسية؟ ليش حيوان ممكن يصير عندو اكتئاب ههههه؟ ببغائي بنتف بريشه ليش؟ وأسئلة كتير تانية ممكن تخطر عالبال.
انا بهالثريد راح اكتب عن امراض معروفين كتير بالإنسان الي هم الاكتئاب و اضطراب ما بعد الصدمة و الوسواس القهري بس بالحيوانات. https://t.co/yXJguTNaD2
*اول اشي بهمني نعرف شغلة قبل ما احكي عن الأمراض. لازم نستوعب انو احنا بنحكي عن حيوانات يعني احتياجاتها وهمومها و الأشياء الي بتأثر عليهم غير عنك كإنسان. فما تقارن المسببات وتشوفها تافهة بنظرك لانو بالنسبة الهم مقومات حياة.
وشكرا
PTSD-اضطراب ما بعد الصدمة
هالمرض باختصار هو عبارة عن اضطراب عقلي نتيجة لسبب صدمة نفسية قوية. زي الضرب، الحروب، الكوارث الطبيعية، تعرض لحادث قوي.. الخ
الحيوانات الي شافو انهم صارت عندهم هاي الحالة هم الكلاب والبسس والفيلة والشمبانزي و الأبقار و الذئاب والدببة والكناغر. https://t.co/8OWfQXwqEb
اغلب هدول الحيوانات يا اما عاشت كارثة طبيعية زي الزلازل و الاعاصير او كانت حيوانات برية و انحبست او عاشت بمنطقة حرب. بذات بالكلاب الي كانت تشتغل مع الجيوش بالحرب زي الكلاب الي كانت مع الجيش الأمريكي بالعراق و أفغانستان. https://t.co/C2H7D4uqok
برضو ممكن نشوف البسس والكلاب الي تعرضو لخوفة قوية زي مثلا اندعسو، وقعو من طابق عالي، كلب انطخ، بسة طلعت عالشارع وانضربت من الولاد وبسس الحارة. بنشوفهم كتير تغيرو من بعدها في منهم برجعو زي قبل ومنهم بتغيرو للأبد.
