من الإنبوكس:
عزيزى الأنونيموس
باختلف بالطبع مع رأيك والحقيقة فانا باستغرب من تعامل البعض مع إيران بحسن نية مفرط من منطلق إن كلنا مسلمين وبنصوم رمضان وبنحج البيت وبنحب الحسن والحسين وعدونا واحد والكلام الحلو دة بتاع كوكب زمردة https://t.co/eAFX8T79th
(وهو كوكب جميل بديع لا توجد فيه إيران ولا إسرائيل ولا دولار بخمسين جنيه!)، يعنى طب ماهو لو على جزئية العدو الواحد فانت لما رحت حاربت الاتحاد السوفييتى لما غزا أفغانستان (بدعوى إن الأفغان مسلمين زينا برضه) كان عدوك انت والسوفييت واحد (وهو أمريكا)
ولما هاجمت الصين عشان مسلمى بورما برضه كانت عدوكما واحد وهى أمريكا، فمش فاهم إيه العلاقة بين وجود عدو مشترك بينك وبين دولة ما وبين تقييم التأثير السلبى لسياستها عليك؟
لو انت عاوز تعمل علاقة طبيعية مع إيران فتمام حقك، زيها زى أمريكا وإسرائيل كدول تقيم معها العلاقات لتستفيد منها
ولتحتاط منهم بأكثر مما تأمن إليهم ودة من باب السياسة والمصلحة لا من باب الدين
هل باقول الكلام دة ضد إيران لأنى شايفهم من منظور دينى كروافض أو كفار؟
بالطبع لا، لكن إيران هى اللى بتستخدم الدين ومذهبها الشيعى لاختراق المجتمعات السنية (مثل السعودية) أو العلمانية (مثل لبنان)
كجزء من مخطط استعمارى فارسى يستخدم الدين (كشنيور) يثقب به تلك المجتمعات للمرور من خلالها والسيطرة عليها
وبالتالى فتلك الجملة يجب أن توجه لإيران وليس لمن ينتقدها وماينفعش أن أنتقد الإخوان لاستخدامهم الدين فى السياسة ولما آجى ناحية إيران أودى وشى الناحية التانية واعمل نفسى مش شايف!
