الصلاة ليها مراحل..

أي حد بيصلّي لازم يمُر بالمراحل دي ، والإمام الغزالي اتكلم عن الموضوع ده وقال ان الصلاه من العبادات الخاصه للمسلم وعشان كده ليها شكل يختلف عن أي عبادة تانيه ، والجميل انه مربطش المراحل دي بعمر معين ولا خصّها للذكور ولا للاناث ، ولا بدرجة من درجات الايمان حتي !

المرحلة الأولى:

مرحلة العِبء ودي أصعب مرحله ، وفيها مش بس بتحس انها تقيله عليك ، لا انت بتلاقي كل الاسباب ميسره انك متعملهاش.

هو انا لسه هتوضّى ؟! طيب بعد الأكل ، طيب بعد ما اخلص اللي في ايدي ؛ طيب صليت الظهر وفات وقت العصر عليك فقولت خلاص اليوم راح عليا هبدأ من بكرة تاني بقى..

التزمت بالصلاة أسبوع ، وضيّعت اللي بعده وصليت يومين بعدها وضيّعت عشرة وحرفيا بتجاهد عشان بس تواظب على الصلاة ، ومرة تنجح وكتير لأ !

المرحلة التانيه:

المُرائاه

ودي مرحلة انتقاليه ، بتلاقي نفسك مُواظب على الصلاه وراضي عن نفسك جدًا، وبدأت كمان تلوم الناس اللي مش بتصلّي

وبدأت كمان تُظهر صلاتك للناس وكأنك بتُبرِء نفسك من تُهمة ترك الصلاه ، ودي فيها ظن ؛ حسن الظن انك فرحان انك بقيت مواظب على الصلاة !

ونفسك تقول للكون كُله انك خلاص مبقتش تارك ليها..

وسيئ الظن انك بتتفاخر برضاك عن نفسك للناس

والغزالي بيتكلم عن خطر المرحله دي وبيقول الشيطان بيدخُلك من باب انك مُنافق ومُرائي وانك لازم تصلي لما تكون مقتنع ومؤمن ومُخلص للصلاة وبس !