السلام عليكم ورحمة الله
استفسار (وروني حقوقي)
يوم الخميس انا ماشي على السوق العربي حدث الاتي :
بعد صلاة المغرب بمسجد رئاسة الجمارك كنا متجهين غربا نحو شارع الحرية
معاي اخوي معماري، شاف مبنى الجمارك الجديد عند تقاطع شارع الجمارك مع شارع الطيار جميل..
#ريتويتياشبابعشانينتشر.
...(من ناحيه اليمين (انا سايق العربيه)
شاف المبني وقال ياخد ليهو صوره لأنه كان عنده عليه تعليق و ملاحظه في تصميم مدخل المبنى (بوابه تراثية في واجهة مبنى حديث)
جأة بعد التقاط الصورة مباشرة ظهر لينا عسكري من وين ما عارف خبط قزاز العربيه بطريقة لمن تحس انه حيتكسر.
وقفنا ليه و اخوي..
....سأل العسكري مالك في شنو... العسكري قال ليه كنت بتصور؟ ... اخوي قال لي نعم انا معماري وشفت كذا كذا (انه انا معماري والطراز بتاع المبنى جديد والبوابه قديمه والكلام بتاع المعماريين دا) في المبنى دا وصورت هل في مشكله..
((مع العلم انه ماف اي علامه أو اي شي يدل على أنه ممنوع تصوير المبنى من الخارج)) قال ليه كان تمشي تستاذن من العسكري القاعد في المبنى ... اخوي قال ليه.. نحنا اصلا متحركين بالعربيه و بصوره عفويه جدا التقط الصوره لأنه اصلا كان عندنا مشوار والتقاط الصوره كان أثناء تحرك العربيه...
أثناء النقاش ... جاء واحد تاني لابس ملكي... وسأل نفس السؤال في شنو... اخوي قال نفس الكلام ((انا مهندس معماري وشفت المبنى دا وعندي فيه ملاحظه معماريه كنت عاوز اشاركها.... الخ))..
