في مقالة علمية نزلت قبل فترة، تتكلم عن اكثر الاماكن الغير نظيفة في الطيارة. طبعا في الدراسة دي، استندو على تجارب علمية عن طريق اخد عينات من اماكن مختلفة في الطيارة وتحليلها.

لمن نقول اوسخ الاماكن في الطيارة،  نقصد اكتر الاماكن اللي فيها تجمعات كبيرة للبكتيريا والفيروسات. https://t.co/A1tnNGsJsx

كلنا نحتاج نركب الطيارة لكن مهم نقلل بقدر الامكان تعرضنا واحتكاكنا باماكن تجمعات الميكروبات.

بعض الناس يكونو اكثر عرضة للمرض داخل الطيارة. والسبب يكون في انخفاض نسبة الرطوبة داخل الطيارة الى ٢٠% بينما نسبة الرطوبة الطبيعية في البيوت هيا ٣٠% على حسب كلام منظمة الصحة العالمية.

طبعا التنفس في اجواء الرطوبة المنخفضة تؤثر على طبقة المخاط داخل الانف، اللي هيا تعتبر خط الدفاع الاول في مناعة الجسم.

في دراسة سابقة، استنتج العلماء انه احتمالية اصابة الاشخاص بنزلة البرد (فايروس) وقت السفر بالطيارة ، يكون اكتر من ١١٣ مرة من انتقال الفايروس في الظروف العادية.

هادا بس بسبب انخفاض الرطوبة. طيب ايش حكاية اكثر الاماكن الوسخة و تجمعات الميكروبات اللي فيها. وكيف ممكن تكون سبب لانتقال الكتير من الامراض المعدية؟

نبدأ بأول مكان وهوا طاولة الاكل اللي على مقعد الطيارة. لمن الباحثين اخدو مسحات عينات من طاولة الاكل، لقو انه في كل ٦ سم مربع من الطاولة، فيها عدد بكتيريا اكتر من ٨ مرات من الموجودة على زر سيفون الحمام.