قصه غريبة

وحده تقول في يوم الاحد من شعبان ١٤٣٩ وضعت زكاتي بظروف على امل نوزعها قبل رمضان تسحرت وصليت الفجر ونمت..

حلمت كأني في احد احياء الدمام القديمة واضح اسم الشارع والرقم والحي دخلت شارع سد مقابل باب اسود لبيت قديم فتح الباب وخرجت منه سيدتين نحيفتين ملثمات ونظروا لي نظرة

استعطاف وقربت منهم واحيتني الوقضة(قامت من النوم)

رجع زوجي من المسجد وحكيت له الحلم وسجلت اسم الشارع والرقم واسم الحي بعد ماصحيت حتى لاانسى

رجعنا لخرايط قوقل لقينا كل المعلومات موجودة

قال زوجي لازم نروح للدمام ونشوف وضع الحرمتين

يمكن محتاجات وربك موصيك عليهن

كنا ناوين الصوم بس

اخذنا زهابنا ومرينا على ولدي بالمدرسة اخذناه ورحنا للدمام .

وصلنا لنفس المكان اللي شفته بالحلم وقفنا امام الباب الاسود طلعت منه حرمه نفس مواصفات اللي شفتها بالحلم

راحت لبقالة براس الشارع لحقها زوجي وسأل صاحب البقالة قال هذول حريم ضعيفات مالهن احد الا هالبيت صار لهن شهرين ياخذن

مني بالدين ويقولون بتجينا الفلوس قريب

كم عليهن قال٤٦٠ريال..سددهن زوجي واخذ وصل

رحت للبيت مافتحوا لي الا بعد جهد جهيد دخلت لقيت البيت يفتقد للضروريات لاكهرب ولا طعام ولا شراب(قصتهن طويلة جدا)

قالت واحدة امس انا واختي وصلنا الى مرحلة اليأس ماعندنا احد ولا فلوس عايشين على الخبز

اللي بالدين والماء قمنا الليل وبكينا وطلبنا من ربنا ان يحيينا مادامت الحياة خير لنا او يتوفانا ان كانت الوفاة خير لنا وان يرحم حالنا..سبحان الله استجيب دعاءهم..قصة طويلة ملخصها

وجه الله هذه المرأة الصالحة لرعايتهم..