هنجيب تايه في السنغال
واجب علينا اللي يتوه ندور عليه، بلغني عن شخص تاه في سياسة السنغال وأدلى بدلوه غير الحثيث أو (غير الحسيس).هنقوله السكة منين.
رايحين لواحد قطع حتة من خبر وعمل شجيع السيما وهو نيته مش سليمة، ركب التريند بس بالشقلوب!
وفاكر اللي في السنغال يمشي على مصر!
-١?
كان ياما كان بلد أفريقي في ساحل غرب افريقيا اسمها السنغال، 95 %تقريبا مسلمين صوفيين ، لغتها الفرنسية نظامها السياسي مميز جدا وتجربتها ما بعد الاستقلال عن فرنسا 1960،هادية سياسيا و لم تتعرض إلى هزات سياسية عنيفة الا في الحقبة الحالية. ليه بقى؟
-٢تابع
في السنة المنكوبة 2011 رئيس السنغال وقتها عبدالله واد لعب في الدستور قبل ما تنتهي فترة ولايته الرئاسية وفتح المدد الرئاسية عشان تسمح له بالترشح لولاية ثالثة وأصبحت مدة الحكم الواحدة 7 سنين بدل 5 سنين!، طبعا غضب السنغاليين و نزلوا في الشوارع عملوا مظاهرات حاشدة
-٣تابع
الغلطة دي استفاد منها غريمه المعارض ماكي سال اللي هو الرئيس الحالي للسنغال بعد فوزه في انتخابات 2012،
وعد السنغاليين إنه هيصلح غلطة عبدالله واد لما يفوز في الانتخابات. لكن التعديل الموعود متمش إلا بعد ضغط شديد عليه في 2016 And guess what؟
-٤تابع
مغيرش المدة الرئاسية ، عجبته حكاية ال7 سنين دي وخلاها زي ماهي!
وتم اعادة انتخابة لفترة رئاسية تانية في 2019 ، وفضل يقول للسنغاليين أنا مش هترشج خلاص تاني أنا غيرت كمان عنواني، و كلام من بتاع الأغاني كتير كدة وهوب في 2021 راح نازل عليهم بمقترحات لتعديلات دستورية جديدة
-٥تابع
