#قصةفيسطور
#كناريا
عم محمد المصري
ابنه مصطفي شهيد
كل يوم يروح المدرسة يجيب حفيده حمزة يقف ورا الباب الحديد
لانه بيروح بدري
وكل يوم الحارس يقوله "انت بتيجي بدري ساعة
متخافش لو طلعوا بدري الواد بيستناك"
لو دخلت جوه قلبه ماتسمعش غير انين واهات
بيشوف في حوش المدرسة دي ذكريات>يتبع https://t.co/mnfneRb1af
..انا كنت بجف لك يامصطفي يا ابني نفس الوجفة
كنت بصحتي وانا بشيلك الشنطة واوصلك وارجع معاك نتحددت وأجولك نفسي اشوفك ظابط تجوللي حاضر يا أبا..وحججتهالي?
يقطع ذكرياته صوت حمزة ..
جدي جدي ياللا بينا سيبلي الشنطة انت عجوز
..اسكت ياحمزة ياللا جِدامي بس ماتجريش مني مش حلحجك>>يتبع
حمزة:حمسك ايدك اهو
جدي جدي انا شاطر والفصل سقفولي لما قلت للأبلة انا حطلع ظابط زي بابا عشان احارب الأعداء
..شاطر ياحبيب جدك ياللا وصلنا البيت
يجري حمزة عالسلم "لو جدع اسبقني ياجدي"
يضحك عم محمد ويقول في عقله"نفس طريقتك وكلامك يامصطفي"
ينسي وينادي حمزة"علي مهلك يامصطفي">يتبع
حمزة:يووووه ياجدي انا قلتلك ميت مرة انا حمزة مصطفي
يجري علي جدته تحضنه وتبوسه
...هو انا كل ماتحضنيني وتبوسيني تعيطي ياتيتة
يبص عالصورة اللي جنب المصحف عالبوفيه
..لما اكبر حبقا ظابط زي بابا اللي في الجنة..مش انت قلتلي كدة ياجدي
يووووه هو اللي بيروح الجنة بيخللي الناس تعيط?>يتبع
حمزة يكمل كلامه
..طب انا مش رايح الجنة وحخليني معاكم بس متعيطوش
جرس الباب..دي ماما رجعت من الشغل
استنوا..
يفتش في جيوبه يطلع قطعتين حلوي ويديهالهم ويطلب منهم مايعيطوش
ياخدوها ويضحكوا
وتختلط دموع حزنهم بدموع ضحكتهم
يسلموا عليه
ويفضلوا دقايق ساكتين
وفي صوت واحد "الحمدلله">يتبع
