ثريد "تجربة شخصية "

تجربتي في ربح 1900 ريال في يوم واحد فقط

قبل سنوات أيام الجامعة ، كنت محتاج مبلغ أقل بكثير من هذا

وقررت أجرب وما توقعت النتيجة !

وهذا اللي طلع معي الحمد لله

ابعطيك التفاصيل في هذا الثريد

كنت في السنة الأولى من الجامعة

وكنت أبسافر من مدينتي إلى الرياض

ومحتاج مبلغ وقدره

وما كان عندي مصدر دخل إلا مكآفأة الجامعة فقط

وفي ذيك الليلة ركبني الهم ، كيف أحصل هالمبلغ ، خصوصاً ما كنت أحب أطلب أحد

وبديت أفكر بعمق ?

للأسف ما توصلت لنتيجة ، قلت أنام وبكره ييسرها الله

من بكرة كان عندي محاضرة وحدة فقط الصباح ، أثناء المحاضرة جاءت في بالي هالفكرة وقررت أجربها

قريب من الجامعة في سوق للتمر ، رحت للسوق وشفت العالم والهوامير شغالين صح

وحاولت أخذ فكرة قبل أسوي أي شيء

ساعة وأنا ألف واتفرج عليهم?

اكتشفت أنّ البيع كان جملة وأقل شيء 100 كرتون

قلت شكلها فشلت الخطة

لقيت واحد معه 40 كرتون رطب سكري جيد ، وجيت أبتفاوض معه ، جاء واحد من الهوامير ، ودبل علي السعر ، لين طلعت عيوني ، وهربت ?‍♂️

وقررت اطلع بس !

تأخر الوقت ، والمفروض أني ماشي الآن للرياض

وأنا طالع !

إلا فيه واحد يحرج على 100 كرتون ، والتمر كان زين وجيد ، واضح اللي بس يبي يبيع ..تأخر الوقت

وسألته على كم ؟

قال السوم على الكرتون بـ13 ريال واذا بغيته خذه بسومته

الرجال أغراني شوي ، لكن المبلغ لكل الكمية ما هو معي !

لا إرادياً ، قلت تم شريت ?