Translation

"عمري ٢٢ سنة و اتشخصت بكورونا. صدقوني انتو ما دايرين المرض ده يجيكم. بتمنى تجربتي تشجعكم انكم تقعدوا في البيت

اول أيام الأعراض ما كانت كعبة شديد. حمى، كحة عادية، رعشة، صداع و انف سائلة. عشان كنت جاية من اوروبا سمحوا لي انو افحص بعد يومين من ظهور الأعراض... https://t.co/JO8NLAFlF3

مع اليوم الثالث بقت مافي حاجة بتقعد في بطني بستفرغ كثير. ما كنت بنوم و ما كنت بقدر آكل. لحدي هنا كانت لسه نتيجة الفحص ما طلعت

رابع يوم النتيجة طلعت إيجابية. أعراضي اتطورت و نفسي بقى ضيق .حاجة مخيفة بقيت ما قادرة آتنفس كويس. حيلي كان ميت و درجة حرارتي كانت ١٠٢/٣٨.٨ ماشة في زيادة

خامس يوم: حالتي تدهورت. في حياتي ما مرضت بالطريقة دي. كنت بالجد خايفة انو اموت لأنه ده الإحساس ال كان عندي

اليوم السادس كان لسة حيلي ميتان ما كنت بقدر امشي. كنت بزحف زحف للحمام عشان استفرغ بسبب الحاجة دي جاتني حالة جفاف شديدة و اضطريت اتصل ب٩١١. وصلوني غرفة الطوارئ بالإسعاف.

قعدت هناك لمدة يوم و ادوني دريبات و أدوية مضادة للغثيان.

اليوم ٧-١١ من الأعراض: الطوارئ تاني. عمري ما حسيت بضعف و إعياء بالصورة دي. كنت يا برعش بعنف في السرير اليوم كلو او بصحى في بركة عرق. ٩ يوم انا ما قادرة آكل. كنت في قمة التعاسة..

حسي وصلت اليوم ال١٢ من بداية ظهور الأعراض و يادوب بدت شهيتي ترجع لكن لسه قدامي كثير لأنه لسه الأعراض كلها في

كونك تتشخص بالكورونا دي حاجة بتجرد من الإنسانية و بتحس انك وحيد. ما يتمنى المرض ده لأسوأ اعدائي. ما تفتكر انو ما بتجيك حاجة بس عشان انت في العشرينات.