تبغون اكتبلكم طريقة حفظ الخضار عشان ماتضطرون تتقضون كثير وتحافظون على الخضار اطول مده ممكنه؟
الكوسا والقرع والجزر والبقدونس والكزبرة والفاصوليا والكرفس تغسل وتترك حتى تجف تماما ثم تقطع كل نوع على حده وتوضع في اكياس بلاستك وتفرزن. اذا احتجتيه تطلعين منه الكمية الي تحتاجينها ومباشرة على النار مايحتاج تمييع لو تركتيه يميع يخرب. وهو مجمد علطول على القدر.
يتبع
البصل اصلا مايخرب بسرعه ولكن انصح بعمل كشنة جاهزة وفرزنتها. تقطع بطل وتحمسه وتضع عليه الطماطم والبهارات والملح واي شي تحب تحطه في الحمسه وبعد ماتطفي الناس تتركه يبرد وتفرزنه في اكياس صغيرة وكل ماتحتاج تاخذ كيس ونفس الشي لاتميعه علطول على النار.
يتبع
البطاطس عمرها طويل ولكن لازم تشيكها اول وتشيل الحبات الخربانه الي فيها اماكن لينه او براعم وتستخدمها علطول والحبات الجيدة توضع في سله او كرتون وتوضع في مكان مظلم دافي ورطب عادي.. لو تحطها في الثلاجة تخرب
كل فترة راجعها وشيل الحبات الي باديها خراب
يتبع
البصل ممكن يقطع ويفرزن بالكمية الي تحتاجها في كل كيس وحاول كل كيس يكون مسطح قدر الامكان عشان فريزرك ياخذ كميه اكبر. وطلع الهوى من الكيس قدر الامكان. لازم كيس متين عشان ماتتسرب الريحه لكل الفريز.
