الثريد ده للبنات البمشو الزومبا او اي وحده مفكره انها في يوم تنزل زومبا
-
بالدراجي الزومبا تعتبر تمارين (تخصيص) كارديو او سويدي يعني انك لو اتمرنتي زومبا ١٠سنين و بتمشي كل يوم م حتلقى بقي عندك بوتي واسكوات كل الح يحصل جسمك بحرق دهون حتى لو جاك تمزق وشد عضلي دي حاجه طبيعيه جدا
بتلقى الوحده نزلت زومبا وقالت ليك فلانه جسمها اتقسم في اللحظه دي الحصل شنو؟ الحصل انو جسمها اتقسم بانو حرق دهون و ظهر التفاصيل بطريقه احلى الحاجه دي بتنفع مع البت السمينه او الاصلا هي عايزه تضعف، يعني قبل م تنزلي حددي انتي عايزه تعملي شنو ولا جسمك محتاج لشنو
اما البنات البكونو ضعاف وبنزلو زومبا انتو كده بضيعو في وقتكم وبتعبو في روحكم ع الفاضي عايز تزبطي جسمك ممكن تنزلي زومبا لي مده اسبوع واحد عشان تحضري جسمك احماء (لياقه يعني) بعدها انزلي جيم عديل لازم اوزان وتزودي في الاوزان بالتدريج وترفعي نسبه الكارب في الاكل ولازم فوق ال 5وجبات
النقطه الرايحه للبنات انهم خايفين لو نزلو جيم ح يبقو معضلين زي الاولاد، مستحيل تبقي زي الولد عشان هرمون تستوستيرون م زينا فبتالي الاجنبيات البتشوفوهم ديل بكونو طاعنين حقن انجيكشن و ده حوار براهو
نقطه تاني البنت البتكون جسمها متناسق وعايزه تحافظ وجسمها يكون مشدود زي م تبقولو هنا انتي بتوزني بين الكارديو والجيم والاوزان واكلك، بتكوني حاسبه عدد السعرات و البروتين في جسمك المحتاج ليهو في اليوم بعتبارك كده انتي fit
