سكان مصر في القرن العشرين

تعتبر سنة 1936 بداية التفكير في سكان مصر كمشكلة. في السنة دي صدر كتابين، كتاب لواحد مصري عظيم إسمه محمد عوض محمد، وده كان أستاذ الجغرافيا في كلية الآداب جامعة فؤاد الأول. الكتاب كان إسمه "سكان هذا الكوكب." https://t.co/95eCCvqX8q

الكتاب كان بيتكلم عن #السكان بشكل عام (كمادة تعليمية) لكن الفصل الأخير كان بيتكلم تحديداً عن سكان مصر إللي كان عددهم حوالي 15 مليون وقتها.

الكتاب التاني عن سكان مصر اللي صدر في نفس السنة اللي صدر فيها كتاب الدكتور محمد عوض محمد هو الكتاب اللي كتبه واحد أمريكي كان أستاذ في الجامعة الأمريكية وقتها (تأسست الجامعة الأمريكية في القاهرة سنة 1919) وهو الدكتور ويليام ويندل كليلاند (William Wendell Cleland). https://t.co/nnXEktcZFb

في الحقيقة الكتاب ده كان أصلاً رسالة الدكتوراة بتاعة الأستاذ ده اللي قدمها لقسم العلوم السياسية في جامعة كولومبيا. الكتاب ده كان مباشر ومركّز عن كتاب الدكتور عوض (مش عشان طبعا لأنكم تحبون الأمريكان والغرب والتغريب والكلام الفارغ ده) الكتاب كان مركّز لإن الكتاب كله عن سكان مصر

وكان إسمه "المشكلة السكانية في مصر: دراسة الاتجاهات والظروف السكانية في مصر الحديثة" (The Population Problem in Egypt: A Study of Population Trends and Conditions in Modern Egypt).