امبارح حطيت poll عن ٣ مواضيع تختارو منهم عشان نتكلم فيه،التصويت كان ٤٠٪لل Porn Addiction، كده كده أحب أوي نتكلم عن ال ADHD وال Body Shaming بس هنحترم ال voting ونبدأ بالموضوع اللي أخد أغلب الأصوات.

هنتكلم بصورة مُبسطة مش عميقة بس نقول كام معلومة مهمين كده قد يكونو مفيدين جدًا.

1

أول حاجة مهم توضيحها إنه احنا هنا مش بنتكلم عن مجرد سلوك الPorn Watching، احنا بنتكلم عن مرحلة ال Addiction أو الإدمان.. فا قبل ده هنحتاج نعرف ايه هو الإدمان؟ وزاي بيحصل وايه هي علاماته؟

بمعنى في فرق بين حد بيحب الأكل وحد مدمن أكل، حد بيحب الجنس وحد مدمن جنس، وهكذا.

2

حاجة كمان إن مهم نفرق بين ال Sex وال Porn Watching، هم الاتنين ممكن تكون بتحركهم ال sexual desire في الأول لكن هم نوعين مختلفين من الأفعال كشكل وتأثير، عشان كده إدمان الجنس حاجة وإدمان الPorn حاجة، ومش بالضرورة ييجو سوا خالص. دي بردو نقطة مهمة.

3

طيب ايه هو الإدمان؟

هو مجموعة من الاضطرابات النفسية وبيطلق عليه متلازمة الاعتمادية؛ ليه متلازمة؟

علشان بتبقا مجموعة حاجات بتحصل سوا (ودي التغيرات السلوكية اللي بيتشخص بيها مرض الإدمان)

التغيرات دي بتبقا كلها في صميم علاقة المدمن بالشيء المُعتمِد عليه، وانعكاسها على أوجه حياته.

4

أهم علامات الإدمان هي:

• زيادة الجرعة من السلوك الإدماني مع الوقت للوصول لنفس التأثير المرجو.
• استهلاك السلوك الإدماني مساحة أكبر من الوقت خلال اليوم أو الأسبوع.
• الشعور بأعراض انسحابية نفسية وأحيانًا جسدية عند الامتناع عن السلوك الإدماني في صورة توتر وقلق وعدم ارتياح.

5