سنة ٢٠١٤ شركات العربيات في المانيا اكتشفوا انهم لازم يبصوا علي الانترنت و الديجيتال ترانسفرميشن . ثريد

شركات زي مرسيدس و بي ام و بورشه كانوا بيشوفوا الموضوع ده حاجه زي كمالة . و فجأة بسبب التغير في السوق كله انتبه ان ده المستقبل.

كان كل حد في الشركات ديه يروح لشركة تعمله موقع او خدمة و تكون اونلاين و خلاص، مافيش تناغم و لا اي حاجه خالص.

اول لما اكتشفوا ده قرروا انه لازم يكون عندنا الشركة بتاعتنا اللي تعملنا الشغل ده و عندها خبرة في المجال . اول فكرة يلا نشتري شركة بتفلس مثلا علشان ده كان نهج في الصناعة

لو شركة بتعملهم مثلا مسامير و هاتفلس ، بيشتروها علشان مش لسه ها نشوف شركة تانية و نبدأ من الاول.

بس طبعا كان ده شبه مستحيل في مجال السوفتوير.

راحوا كل شركة عملت مزايدة انهم عايزين شركاء من شركات شغالين في المجال لتأسيس شركة بالنص تكون شغلها بس لشركة العربيات المعنية

اول حاجه هاتسأل ليه تأسيس شركة تانية ؟ هو حد يطول يشتغل في بورشه ؟ اه الشباب مش عايز يشتغل فيها او في مرسيدس او الشركات العتيقة ديه .

علشان في بيروقراطية و لازم لبس بدل و مواعيد و جو الشركات القديمة.

بتوع السوفتوير مطأطئين كده و عايزين شورت و بين باجز .

المهم نعمل الشركة إللي متخصصة ديه و يلا هما يتصرفوا . اول حاجه التعين سريع مش محتاج كل البروسيس بتاعت الشركات الكبيرة ، المميزات و شروط العمل مختلفه تمشي مع الشباب الصغير.

يعني agile , sneakers, dogs in the office, open space