? في ماتش إفتتاح كاس العالم الحالي المعلق التونسي عصام الشوالي عمل مقدمة تاريخية بيمدح ويمجد فيها العرب

و في وسط المدح قال جملة حلوة اوووي اغلبكم ماخدش باله منها

وهي جملة "نحن من علمكم كل شئ واسالو شارلمان عن ساعة هارون الرشيد" طيب انت بقي تعرف مين هو شرلمان، طيب تعرف ايه⤵️

هي ساعة هارون الرشيد، تعالي ياسيدي لما احكيلك الخلاصة، هارون الرشيد ده كان خليفة المسلمين في عهد الدولة العباسية، وشارلمان ده كان ملك مملكة الفرنجة وامبراطوريتهم اللي هي فرنسا حاليا، فكان شارلمان في الوقت ده بيرسل ناس من رجالته يتعلموا من العرب كل شئ في بغداد، وبعد لما ⤵️

يخلصو تعليم وكل حاجه يرجعوا بلدهم تاني. بس وهما راجعين هارون الرشيد كان بيبعت معاهم هدايا، علشان يعطوها للملك شارلمان. وفي مرة من المرات هارون الرشيد ارسل للملك شارلمان ساعة مائية جميلة جدا مصنوعه من النحاس وطولها 4 أمتار. والساعة دي كانت بتشتغل بقوة دفع الماء جواها فكانت كل ⤵️

ساعة بيسقط منها كرات معدنية فوق قاعده نحاسية فكانت بتعمل صوت جميل اوي في القصر. والكرات دي كانت بتقع علي حسب الساعه و توقيتها. يعني مثلا لو الساعه واحدة كانت بتقع كورة واحدة ، ولو الساعه 2 كانت بتقع كورتين ، ولو الساعه 7 كان بيقع منها 7 كور وهكذا حسب توقيت الساعة. في نفس الوقت⤵️

الساعه دي كان موجود فيها 12 باب بيخرج منها فارس حسب عدد الساعات ويلف ويرجع تاني مكان ماخرج. يعني لو الساعه 1 يخرج فارس واحد ولو 2 يخرج فارسين ولو الساعه 3 يخرج 3 فرسان وهكذا لحد الساعه 12 يخرج 12 فارس.

وكانت الساعه دي في الوقت ده حاجه اختراع مش موجوده عند حد في العالم كله ⤵️