طيب

عشان ماشاءالله تويتة هدية الولد من امس وهيا تلف وبسببها جاتني قريب ٤٠٠ اضافة وقريت تعليقات كثير و الدي ام عندي ضرب كلها بتتكلم عن علاقتي بولدي

في الي معترض وفي الي شايفها حاجة حلوة وفي الي بيسأل كيف قدرت اكون قريبة منه.

حتكلم في دا الموضوع شوية

ماعرف كيف ارتبها بس حرقمها

١. اول شي، ماخصني كيف العالم بتربي اولادها، انا تربيت غير، لكن انا مؤمنة بإن لكل زمن ناسه وعاداته واعرافه ونمط حياة مختلف.

تتفق ماتتفق دا شي يخصني انا والي انا مسؤولة عنهم.

ربيت بنت عمرها الان ٢٥ سنة، ماسكة قسم كامل في جامعة، ومسؤولة عن اب واخ وهيا ست بيتهم وهذا الان الولد

٢. الاثنين من فتحو عينهم عالدنيا زي مابعلمهم ياكلو ويشربو بعلمهم كيف يبنو شخصيتهم الخاصة بينهم، هما اشخاص مش توابع ليا، حقهم عليا الرعاية والحماية والتوعية

الثقة مسؤولية، والوعي قوة، والرعاية والحماية سكن لأرواحهم وقواعد تخليهم يواجهو اي شي في الحياة بصلابة

٣. ابني وبنتي يعرفو انهم يقدرو يعملو الي يبغوه، بس قبلها بيفكرو في كل خطوة ويحسبوها قديش ثابتة تحت رجلهم، وهل حيقدر يرجع خطوة ورا في حال صار اي خطأ او لا

ويعرفو انهم لو اخطأو، في وراهم ام تحميهم وتدافع عنهم وتبعدهم عن اي مصدر خطر، مو مشكلة لو انحرهم بعدها

٤. الأخطاء تعلمهم الصح بالطريق الصعب لأن اي شي يجي سهل حيتنسى بسرعة والخطأ حيتكرر عشرمية مرة

وانا محكون معاهم في اول انترفيو، اول وظيفة او اول نكبة ينكبو فيها ادارتهم، بس حيعرفو كيف يتصرفو وحيعرفو كيف يواجهو اي موقف

عشان المسؤولية والثقة اتزرعت فيهم من بدري