خلال هذا الثريد وتحت هذه التغريدة??حأتكلم عن منتجات سودانية أصيلة ممكن تتحول لمشاريع صادر تدر أموال ضخمة على الافراد والشركات اذا اضيفت قيمة مضافة بسيطة جدا

حأقول المنتج شنو وممكن يتحول لشنو وسعره بالدولار في موقع امازون ومواقع عالمية تانية

#ثريد_الملكة

#تعرفعلىالسودان https://t.co/rlUymoN1fR

#الفول_السوداني بتاعنا دا ممكن يتعبأ بطريقة تناسب الصادر كحبوب محمصة سادة او بأضافة نكهات زي الليمون والشطة او الشوكلت او الملح وممكن العبوات تكون بمقاسات مختلفة زي شركة Planters nut واتخصصت بس في الفول السوداني بمختلف خطوط ومقاسات الانتاج شوفوا الاسعار حقتهم في الصور بالدولار https://t.co/gKbDXoZQj5

ممكن كمان يتم اضافة قيمة اكبر للفول السوداني بطحنه وتحويله لزبدة او زي ما بنسميها نحن #دكوة , استخدام الزبدة دي خارج السودان مختلف لانه بيعتبر من انواع الفطور الصحي البيتم عمله كساندويتش , فممكن يتم طحن الحبوب بمواصفات معينة اضافة نكهات معاها تعبئة مناسبة للصادر وشوفوا الاسعار https://t.co/4l7KMXGNU7

شركة Peanut Butter & Co تسوّق ما بس في الغرب بل انتقلت بمنتجاتها البتبيعا اون لاين للسوق العربية وخاصة الخليجية وبقوا الناس بيطلبوا منتجاتا من امازون وايهيرب..الخ بتروج لمنتجاتها انها خالية من الغلوتين وعضوية..الخ وهي نفسها الدكوة البنشتريها من السوق وبرضو شوفوا الاسعار كيف ?? https://t.co/mZtSfYf1VF

كمان ممكن نحول الفول السوداني الى باودر (بودرة فول سوداني) بيتم استخدامها في صناعة الايسكريم والميلك شيك وحاجات كتيرة جدا كمادة خام اساسية والاهم انها بين الرياضيين وهواة الطعام الصحي قليلة السعرات والدهون ومفيدة بمغذيات ممتازة مع مراعاة الجودة والمواصفات والتغليف وغيره https://t.co/wxTVh4Tpj4