ليش ضد سد بسري؟ Thread
١- كلفة حوالي المليار دولار ممكن نعمل فيها كتير أمور أهم بهالحشرة والبنك الدولي أبدى استعداد لتحويل الأموال لأهداف تانية.
٢- المياه حتنجر من بحيرة القرعون الملوثة بشكل هائل، لو قد ما تكررت ما حتنضف حسب ما بعرف، كلها جراثيم.
٣- جر المياه حيمرق من تحت مطمر الناعمة، كارثة.
٤- وقوع السد على فيلق زلزالي والضغط لي حيصير عالفيلق ممكن كتير يحركو.
٥- فشل جميع السدود لي انعملت.
٦- الشكوك بالمتعهد داني خوري كبيرة ومعروف لمين تابع. هالإستقتال عالسد ما ببشر بالخير.
٧- التدمير البيئي والثقافي لي صار ورح يكفي للمنطقة.
٨- الشبكة مهترئة وفيها هدر ٤٠٪، تصليح الشبكة بحل جزء كبير من مشكلة المياه.
٩- محطات التكرير لي موجودة بكل لبنان اندفع حقها مليار دولار حسب ما عم ينحكى، ما في ولا وحدة شغالة! طب خلينا نشغل هالمحطات ونكرر المي!
١٠- المشروع مش حيجيب مي قبل ٨ سنين.
١١- طبيعة الأرض حسب كتير دراسات بتشرب المي يعني السد مش رح يعبي عالأرجح.
١٢- القوات والإشتراكية كانو مع السد ووافقو بمجلس الوزراء وفجأة بطلو، هيدا الموضوع بزيد من الشكوك إنو كان في صفقة بالموضوع يا صار في خلاف عالحصص يا أخدو حصتن بالإستملاكات لي صارت ومن بعدها قلبو عالمشروع.
