ثريد هحاول اقول في رأيي بإختصار حول مسلسل #ماوراءالطبيعة
بس قبل ما ابدأ لازم انوهه اني مش بس قاريء ومدمن ل د. احمد خالد توفيق لا وشارب لكل حرف كتبه الله يرحمه وعشت كل العوالم الي كتبهافي خيالي ووقت صدورها
نبدأ
احمد أمين فنان عبقري ومش محتاج شهادة حد علي انه معدي الفلنكات .. يا خدنا من دور سمسم ابن الدايه لدور رفعت اسماعيل و الشخصيتين متناقضتين تماما بنجاح مبهر منقطع النظير بصراحه
نيتفليكس الحقيقه كسبت واحنا كلنا كسبنا دخولها عالم الدراما المصريه بإنتاجها الضخم والوفير وواضح انها ما بخلتش
بس الناس دي عارفه انها مش داخله اي حاجه وواضح انهم درسوا المسلسل كويس قبل الضوء الاخضر و عرفوا شعبية رفعت اسماعيل وبالتالي اشتغلوا
التصوير و الموسيقي و شغل الهندسة الصوتيه والمكياج - ماعدا البواريك- واللوكيشن كله ده هايل هايل هايل و الارتست الي لعب في شكل احمد امين وخلاها نسخه من رفعت اسماعيل الي في خيالنا كلنا فنان جااامد بنظارته ببدلته الكحليه التي تجعله فاتنا كما تعلمون
السيناريو بقي والقصه والاحداث هنا بقي نقف ونقول ستوب
صدمة
فريق العمل معرفش ليه او ازاي قرروا ان يخلوا خط الاحداث لل ٦ حلقات تكون كلها قصه واحده ومرتبطه ببعض فا النتيجه ان انت جبت من كل روايه اغنيه واخدت منها كلمتين عشان تلاحق علي الاحداث
