اشرايكم نكلمكم عن طريقة اختيار خام او قماش الثوب او الدشداشة الصوف الشتوي؟
ونجيب لكم بائع يورد للخليج واقمشته مخصصة للخليج وسعره ارخص من الخليج ?
كلنا يالرجال نعاني صراحة في اختيار القماش الشتوي الصوف للثوب / الدشداشة
اذا رحنا المحل مانعرف شنو الاصلح وين الأخف وين الأثقل وين الأجود ونعتمد على الشكل والشي اللي يدخل مزاجنا وناخذه بدون معرفة تفاصيله
يتبع..
قماش الصوف يجي درجات ومستويات حسب "لفة الخيط" كل ماكانت لفة خيط الصوف اكثر كل ما كان أنعم وأخف وأغلى وكل ما قل الرقم كل ماكان أثقل وأخشن وأرخص
المقياس يسمى Super او سوبر بالعربي
ويبدأ من Super 80 الى Super 180 https://t.co/gmD3koLY6R
طيب شنو اللي يصلح لنا وشنو نختار؟
رقم الخيط اللي يصلح لنا يكون من Super 120 الى Super 150
يعتبر قماش جيد ويتحمل اللبس وسعره متوسط
ولكن اذا تبي انعم وأخف تقدر تاخذ الى Super 180 بتحسه قماش بارد وجداً خفيف
واذا تبي شي للبر والكشتات او للبرد اخذ رقم أقل بيكون أثقل وأدفى https://t.co/rCtEAmuLK0
طيب نجي للسؤال؟
هل Super 120 سيء؟ او هل Super 160 افضل؟
لا. كلهم صوف أصلي. طبعا اذا كان المحل ثقة ? ولكن يفرق السعر بسبب كيفية صناعة الخيط
وهو يعتمد على رغبتك انت
تحب القماش ناعم خفيف وللمناسبات اخذ رقم عالي
تحب القماش ثقيل ودافي وللكرف اليومي أخذ رقم أقل
