(#ثريد) مفاجئة من نوع اخر:
-هل فكرت فيوم من الايام انو رفيق حياتك او شخص معاك ف البيت قد لا يكون انسان؟
-حصلت كتير من انواع القصص دي والليلة حنحكي واحدة من القصص دي او كم واحدة على حسب رغبتكم.
(يبدأ السرد الساعه 1:30 AM)
⭕ ⭕ ⭕ ⭕ ⭕ ⭕ ⭕ ⭕
#رمضان_كريم https://t.co/lZ8EgCVpd9
⭕(قصة منقولة عن مجاهد عبده كمال )⭕
هذة القصة قصة رعب سودانية حقيقية حصلت بالكامل في الفترة مابين (1930-1940) مع جدي "نصر حسن" ذهب الى احدى المناطق البعيدة عن دياره وكانت المنطقة "سنار" وفي الفترة دي كان جندي في الجيش.
مشى سنار وقعد فترة من الزمن في احدى المناطق هناك واتزوج منها وياريتو ما اتزوج لان القصة بدت بسبب الزواج دا بالذات.
-الفترة ديك بالذات وبعض المناطق منها المنطقة دي كانت بتحصل فيها حاجات غريبة ف كان الناس بعد زمن معين ما بيطلعو من بيوتهم بسبب القصص الكانت بتتحكي عن الجن والعفاريت وحاجات كانت كتيرة تانية منتشرة بشدة ف المناطق ديك ولو انت من الناس البتسمع قصص من جدودك بكونو حكوا ليك عنها. .
-المهم بعد فترة قصيرة من الزواج لاحظ جدي لحركة غريبة بتعملها زوجتو وهي انو بتطلع بليل وبتقفل الباب (بتأمنو) من برة (عشان ما يقدر يطلع) استغرب جدي من الحركة دي فقال لازم يعرف السر شنو في الحاجة دي!.
