عايز احكيلكم على دور الكورونا اللي جالي والاعراض،
بناء على طلب الجماهير العريضة اللي هما ال(٣-٤) صحابي بتوع كل مرة https://t.co/LOQNJIajLp
مبدئيًا كده انا كنت شعال عادي زي كل يوم بكشف على العيانين عادي في القسم (بالماسك الازرق العادي )
وكانت الاجراءات في المستشفى لسه مشدتش
في عيان معين جه له زيارة من أخوه، الاخ العبيط لبس الماسك وغطاء الراس ولبس التعقيم الكامل ودخل على اخوه العيان شافه قام قلع الماسك!
بدأت الحفلة
طبعًا العيان مظهرش عليه حاجة وقتها، وانا كملت شغل عليه عادي ومعرفش ليه يا اخواتي كان الضمير واكلني اوي سبحان الله مع العيان ده بالذات وعمال احنتف واستف في الحالة وسحب عينات وكشف وسونار وبظبطه عشان يخرج كمان يومين.
قبل خروجه بيومين عملت له المسحة عشان تطلع على ما يجي يخرج.
اليوم اللي قبل الخروج حالته اتدهورت اوي وبدأ معامله تتراجع ويسخن،
والعبد لله مكمل شغل بماسك ازرق
يوم خروجه الصبح طلعت النتيجة انه بوزيتيڤ وحالته اتدهورت جدًا وسخن وبقى حتى مش قادر يمشي للحمام في اوضته وكحة وصداع وضيق نفس
نقلناه قسم العزل على طول ...
بس كان ماشاء الله نقل العدوى لكل العيانين التانيين ، عملنا لهم المسحة طلعوا كلهم بوزيتيف
