رجعت من الشغل بعد اسبوع شاق، اول ما دخلت البيت فكرت تشرب قهوة، لقيت مكنة القهوة اشتغلت وعملتلك قهوة. فكرت تسمع ام كلثوم لقيت التليفزيون شغل يوتيوب وشغلك الف ليلة وليلة.. فكرت تبعت رسالة لصاحبك.. بعتّهاله بدماغك ورد عليك بدماغه ووصلك الرد. اهلا بيك في عالم الـ Neuralink https://t.co/ydnmtCyKGY

عشان نفهم الـBrain Computer Interface لازم نفهم الأول شوية عن المخ.الانسان مخه ممكن نعتبره نظام بيولوجي كيميائي معقد. في نفس الوقت، مخك في الواقع جهاز كهربائي بيشتغل بحوالي 20 وات. تخيل 20 وات بس زي اللمبة السهاري بس معجزة بيعمل عمليات محتاجينلها آلاف الوات عشان تتعمل بالكمبيوتر. https://t.co/yUKKI44RLP

وبما أن المخ بينطبق عليه أنه نظام System من المدخلات والمخرجات يبقا ده معناه أنك ممكن تفهم بيشتغل ازاي من دراسة تأثير المدخلات على المخرجات. من دراسة المخ عرفنا أنه شبكة معقدة بتمر فيها الاشارات الكهربائية من مكان لآخر من خلال الخلايا العصبية Neurons والوصلات العصبية Synapses. https://t.co/RqP9uH8lEq

النظر للمخ كهربائيا خلانا نقدر نتابع تأثير المدخلات على تنشيط أماكن معينة في المخ فيها اشارات عصبية Neurotransmitters كبيرة طب ازاي الكلام ده عملناه؟ جبنا حاجة شبه الفولتميتر عشان نشوف اللمبة شغالة ده ولبسناها لإنسان في مناطق مختلفة من المخ وشفنا رسم بياني للنشاط الكهربائي https://t.co/TQOyhVqleB

اتطور الأمر مع جهاز الـ EEG واللي بالتجربة وتحليل القرايات بتاعته عرفنا نكون فكرة بسيطة عن مناطق الاحساس والحركة والرؤية وغيره. لحد ما ظهرت فكرة اننا نوصل جهاز الـ EEG بالكمبيوتر ونخليه الكمبيوتر نفسه يعمل حاجة لما تجيله اشاره معينه. التطور ده بقاله فترة يعني من السبعينات https://t.co/GfATRdm3Mf